Jólakötturinn Song Lyrics

Þið kannizt við jólaköttinn
– sá köttur var gríðarstór
Fólk vissi ekki hvaðan hann kom
eða hvert hann fór

Hann glennti upp glyrnurnar sínar
glóandi báðar tvær
– Það var ekki heiglum hent
að horfa í þær

Kamparnir beittir sem broddar
upp úr bakinu kryppa há
– og klærnar á loðinni löpp
var ljótt að sjá

Hann veifaði stélinu sterka
hann stökk og hann klóraði og blés
– og var ýmist uppi í dal
eða úti um nes

Hann sveimaði, soltinn og grimmur
í sárköldum jólasnæ
og vakti í hjörtunum hroll
á hverjum bæ

Ef mjálmað var aumlega úti